Um verktaka

Verklag styður nú möguleikann á því að halda sérstaklega utan um verktaka í kerfinu. Verktakar geta skráð tíma á verk en hafa takmarkaðri aðgang en almennir starfsmenn.

<aside> 💡

Verktakar teljast ekki starfsmenn og eru ekki sendir í ytri kerfi (t.d. Payday). Greitt er fyrir notkun þeirra á kerfinu líkt og fyrir almenna starfsmenn. Til að verktakar sjái verk þarf að skrá þá sérstaklega á þau.

</aside>

Virkja verktakastuðning

Til að virkja verktakastuðning ferðu í Meira → Verkstillingar og virkni og kveikir á Verktakar hnappinum.

Þegar verktakastuðningur er virkur:

• "Bæta við starfsmanni" breytist í "Bæta við notanda" á starfsmannasíðu (eingöngu í vefviðmóti)
• Verkskráningarstillingin læsist sjálfkrafa á kveikt — verktakar þurfa að vera skráðir sérstaklega á verk til að sjá þau
• Tveir flipar birtast á starfsmannalista: Starfsmenn og Verktakar

<aside> 💡

Verktakar þurfa að vera skráðir á verk til að sjá þau.

</aside>

Hvað geta verktakar séð?

• Verk: Eingöngu þau verk sem þeir eru skráðir á. Verkalistinn sýnir "Mín verk" án flipa til að sía.
• Fjarvera: Fjarveruflipinn er falinn ef engar færslur eru til.
• Laun: Verktakar sjást undir sérstökum Verktakar flipa á launasíðunni — ekki í aðallista starfsmanna.
• Payday: Ef þú ert með Payday samþættingu virka munu verktakar ekki vera skráðir þar eins og í tilfelli starfsmanna.

Yfirlit yfir tíma verktaka

Síðan undir ‘Verktakar’ sýnir töflu með dálkunum: Nafn, Tímar, Yfirvinna og Samtals. Samtölu má sjá neðst.

Í vefviðmótinu er hægt er að vista gögnin á Excel formi með því að smella á niðurhalshnappinn.

Breyta tegund starfsmanns

Hægt er að breyta starfsmanni í verktaka og öfugt í gegnum starfsmannaupplýsingarnar.

• Starfsmaður → Verktaki: Sjálfvirkar frídagaskráningar eru fjarlægðar sjálfkrafa ef á við.
• Verktaki → Starfsmaður: Sjálfvirkar frídagaskráningar bætast við ef á við.

<aside> 💡

Athugaðu að stjórnendur geta ekki breytt sinni eigin tegund.

</aside>